अनुभव,सक्रियता र प्रतिबद्धता सहित महासचिवमा पिताम्बर खनाल सुशील

• वालिङ उद्योग वाणिज्य संघको १९औँ साधारण सभा तथा ९औँ अधिवेशनअन्तर्गत हुने नयाँ नेतृत्व चयनका लागि एक कार्यकाल सचिवको जिम्मेवारी सफलतापूर्वक निर्वाह गरेका पिताम्बर खनाल ‘सुशील’ यसपटक महासचिव पदका उम्मेदवार बनेका छन्।
  सचिवको रूपमा आफ्नो कार्यकालमा संस्थागत विकास, व्यापारीका समस्या समाधान, सदस्यहरूसँग समन्वय तथा संघका गतिविधिलाई प्रभावकारी बनाउन सक्रिय भूमिका निर्वाह गरेका खनालले अब महासचिवको जिम्मेवारीमार्फत संघलाई अझ सशक्त, पारदर्शी र व्यवसायीमैत्री बनाउने प्रतिबद्धता व्यक्त गरेका छन्।
  उनले वालिङ उद्योग वाणिज्य संघलाई राजनीतिक प्रभावभन्दा माथि उठेर सम्पूर्ण व्यवसायीहरूको साझा, बलियो र उत्तरदायी संस्थाका रूपमा विकास गर्ने आफ्नो मुख्य उद्देश्य रहेको बताएका छन्।
  महासचिव पदका उम्मेदवार खनालले सम्पूर्ण सदस्य व्यवसायीहरूसँग अमूल्य मत, विश्वास र सहयोगका लागि हार्दिक अपिल गर्दै आफूलाई विजयी गराई संघको समृद्धि र व्यवसायीहरूको हितमा निरन्तर काम गर्ने अवसर प्रदान गरिदिन आग्रह गरेका छन्।