गण्डकी प्रदेशमा थप १२ जनामा कोरोना संक्रमणको पुष्टि

४ साउन,काठमाडौंः 

गण्डकी प्रदेशमा थप १२ जना कोरोना भाइरसको संक्रमण पुष्टि भएको छ । गण्डकी प्रदेश स्वास्थ्य निर्देशनालयका अनुसार आइतबरा विभिन्न प्रयोगशालामा गरिएको परिक्षणमा थप १२ जनामा कोरोना भाइरसको संक्रमण पुष्टि भएको हो ।

निर्देशनालयको सुचनाका अनुसार थपिएका संक्रमितहरुमा सबैभन्दा धेरै म्याग्दीका रहेका छन् । म्यादी जिल्लाको मालिकाका दुई जना र मंगलाका दुई जना रहेका छन भने बेनी नगरपालिकाका १ जनामा संक्रमण देखिएको छ । त्यस्तै, पर्वत जिल्लामा पनि थप दुई जनामा कोरोना भाइरसको संक्रमण पुष्टि भएको छ ।

बाग्लुङ जिल्लामा थप दुई जनामा कोरोना भाइरसको संक्रमण देखिएको छ भने स्याङ्जा जिल्लामा पनि थप दुई जना कोरोना संक्रमित भएका छन् ।

आइतबार संक्रमण पुष्टि भएका कोरोना संक्रमितसँगै गण्डकी प्रदेशमा हालसम्म कुल १ हजार २ सय ९० जनामा कोरोना भाइरसको संक्रमण पुष्टि भएको छ । यीमध्ये कुल ९ सय ३८ जना डिस्चार्ज भएका छन भने कुल ४ जनाले ज्यान गुमाएका छन् ।