केस मुण्डन गरिएको भिडियो भ्रामक रहेको खुलासा, पैसा लिएर दुव्यर्वहार गरेको अभिनय गरेको पुष्टि

३ साउन, काठमाडौंः

केही दिनअघि देखि सामाजिक सञ्जालमा निकै चर्चामा आएको एउटा घट्ना झुटो भएको खुलासा भएको छ ।

नेपालका प्रधानमन्त्री केपी शर्मा ओलीले ‘राम नेपालमै जन्मिएका हुन्’ भन्ने विवादित भनाई भनेसँगै भारतमा नेपाली माथि हमला भएको र भारतको बनारसमा एक व्यक्तिको केस मुण्डन समेत भएको भन्ने बारेमा फैलिएको समाचार गलत भएको पुष्टि भएको छ । भारतको बनारसमा विश्व हिन्दु सेनाले एक नेपाली व्यक्तिको केस मुण्डन गरेर दुव्यर्वहार गरेको भनिएको खबर झुटो रहेको छ । उक्त व्यक्ति नेपाली नभएर भारतीय नै रहेको खुलासा भएको छ ।

भारतीय प्रहरीले दिएको जानकारी अनुसार उनी भारतीय नै नागरिक रहेका छन्, र उनले पैसा लिएर त्यो अभिनय गरेका थिए । उक्त भाइरल भिडियोमा देखाईएका सबै कुरा झुटो भएको र दुर्व्यवहार भनिएको कुरा अभिनय मात्रै भएको खुलासा भएको छ ।

सो भिडियो भाइरल भएसँगै नेपाल र भारतमा निकै टिाटिप्पणी समेत भएका थिए । उक्त घटनालाई मानिसले नेपालका प्रधानमन्त्री केपी शर्मा ओलीले बोलेको कुराकै कारण भएको सम्मका आलोचनात्मक टिप्पणी गरेका थिए ।