स्थानीयको ढुंगा प्रहरबाट प्रहरी घाइते

०३ असार, काठमाडौंः

स्थानीय बासिन्दाको ढुंगामुढा प्रहार दुई जना प्रहरी घाइते भएका छन् । सुदुरपश्चिमको बाजुरामा स्थानीय बासिन्दाको ढुंगामुढा प्रहारबाट दुई जना प्रहरी घाइते भएका हुन् ।

सुदुरपश्चिमको बुढीनन्दा नगरपालिका को ७ नम्बर बडामा स्थानीय बासीले कुटपिट गरेपछि प्रहरी घाइते भएका हुन् । उक्त ठाउँमा भएको विवादमा पुगेका दुई प्रहरी दिलिप सिंह र भीम बहादुर रौले घाइते भएका हुन् ।

उक्त ठाउँमा भएको कुटपिटको सुचना पाएपछि त्यहाँ प्रहरी पुगेको थियो । सोही क्रममा दुई प्रहरीमाथि कुटपिट भएको हो ।

घाइते भएका प्रहरीहरुलाई अछामको बयलपाटा अस्पतालमा उपचार गर्न भर्ना गराइएको छ । त्यस्तै, प्रहरीमाथि कुटपिट गर्नेहरुलाई खोजी गर्न थालिएको छ ।