सबै कोरोना संक्रमित निको भएसँगै पाँचथरका सबै क्वारेन्टाइन खाली

०३ साउन, काठमाडौंः 

पाँचथर जिल्लाका सबै कोरोना संक्रमित निको भएर घर फर्किएसँगै त्यहाँका क्वारेन्टाइनहरु खाली भएका छन् ।

वैदेशिक रोजगारीका लागि गएर नेपाली फर्किएका चार जनामा कोरोना संक्रमणको पुुष्टि भएपछि उनीहरुलाई फिदिमस्थित क्वारेन्टाइनमा राखिएको थियो । अहिले उनीहरु चारै जना निकौ भएका छन् । हिजो शुक्रबारबाट त्यहाँका सबै क्वारेन्टाइन खाली खाली भएका छन् ।

गत जेठ ५ गते पाँचथरमा पहिलो पटक कोरोना संक्रमित भेटिएका थिए । वैदेशिक रोजगारीबाट फर्किएकी एक २५ वर्षिया महिलामा कोरोना संक्रमण देखिएको थियो । उनी पनि दुई हप्ता अघि नै निको भएर घर फर्किएकी छिन् । त्यस्तै, विदेशबाट उद्धार गरेर नेपाल ल्याईएका हिलिहाङ गाउँपालिकाका २८ वर्षीय पुरुषमा गत असार २१ गते, याङवरक गाउँपालिकाका २३ वर्षीय पुरुष र तुम्बेवा गाउँपालिकाका ३२ वर्षीय पुरुषमा असार २६ गते कोरोना संक्रमण पुष्टि भएको थियो ।

अहिले उनीहरु पनि निको भईसकेका छन् । जिल्ला स्वास्थ्य कार्यलयका अनुसार अहिले सबै कोरोना भाइरसका संक्रमितहरु निको भएकाले क्वारेन्टाइन खाली भएको छ ।