बुटवल–तानसेन सडक खण्डमा नियमित पहिरो खस्दा बाटो अवरुद्ध

३ साउन, काठमाडौंः

बुटवल–तानसेन सडक खण्डमा पहिरो जाँदा बाटो अवरुद्ध भएको छ ।

सिद्धार्थ राजमार्गको बुटवल–तानसेन सडकखण्डमा पहिरो जाँदा सडक अवरुद्ध भएको हो । सडकखण्डको तल्लो डुम्रे नजिकै नियमित पहिरो खसिरहेकाले सडक फेरि अवरुद्ध भएको हो ।

प्रहरीका अनुसार पाल्पाको तानसेन नगरपालिका–८ मा पर्ने गौडेपुल नजिकै गएराति पहिरो खसेको थियो । पहिरोले बाटो पुरै छेकेकाले कतैबाट पनि आवतजावत हुन सकेको छैन् । त्यस्तै, त्यहि ठाउँमा बिहिबार पनि पहिरो खसेको थियो । पहिरोमा एउटा ट्रक समेत पुरिएको प्रहरीले बताएको छ ।

प्रहरीका अनुसार पुरिएको ट्रकमाथि लगातार पहिरो खसिरहेको छ । पहिरोको कारण सकडमा रोकिएको ट्रक पुरै ढाकिएको प्रहरीले जनाएको छ । पहिरो हटाउन भने आज दिनभर समय लाग्नसक्ने जिल्ला प्रहरी कार्यालय पाल्पाले जनाएको छ ।