वैदेशिक रोजगारीमा अलपत्र परेका १ हजार २ सयभन्दा बढि नेपालीको उद्धार

०३ साउन, काठमाडौंः

वैदेशिक रोजगारीमा गएर कोरोना भाइरसको कहरका कारण विभिन्न देशमा अलपत्र परेका एक हजार २ सय ४९ जनालाई उद्धार गरिएको छ । कोभिड १९ महामारीका कारण विभिन्न देशमा अलपत्र परेका नेपालीहरुको उद्धार गरि हिजो कुल १ हजार २ सय ४९ जनालाई उद्धार गरि नेपाल ल्याईएको हो ।

नेपालका दुई हवाई कम्पनी नेपाल वायु सेवा निगम र हिमालय एयरलाइन्स सहित अन्य देशका विभिन्न हवाई जहाजमार्फत नेपालीहरुलाई चार्टर उडानमा स्वदेश फर्काईएको हो । नेपाल एयरलाइन्समार्फत दोहाबाट १ सय ६८ र दमामबाट १४६ नेपालीहरु स्वदेश फर्किएका छन् भने हिमालय एयरलाइन्सको दमामबाटै दुई उडानमा १ सय ५४ जना र १ सय ४९ जना स्वदेश फर्किएका छन् ।

त्यस्तै, कुवेतबाट जजीरा एयरले दुई उडानमा क्रमशः १५६ र १५३ नेपालीलाई स्वदेश ल्याएको छ भने, सारजहाबाट एयर अरेबियाको उडानमा १६७ नेपाली स्व्देश फर्किएका छन् ।