सार्वजनिक गाडी चलाउने वातावरण बनाइदिन अनुरोध

०१ साउन, काठमाडौंः

सार्वजनिक यातायात चलाउने वातावरण बनाउन यातायात व्यवसायी तथा मजदुरले नेपालका प्रधानमन्त्री प्रधानमन्त्री केपी ओलीलाई अनुरोध गरेका छन् ।

नेपाल यातायात व्यवसायी राष्ट्रिय महासंघ र मजदुर ट्रेड युनियनका पदाधिकारीहरुले बिहिबार बिहान प्रधानमन्त्रीलाई भेटेर यस्तो अनुरोध गरेका हुन् । उनीहरुले प्रधानमन्त्री सामु अहिलेको अवस्थाको र यसले पुर्याउने दिर्घकालिन असरलाई ध्यानमा राखेर यातायात चलाउने वातावरण बनाउने अवस्था बनाइदिन अनुरोध गरेका छन् ।

गाडीको किस्ता, सफ्ट लोन, पुनर्कर्जा तथा स्टाफको विमा, स्वास्थ्यको सुरक्षा लगायतलाई ध्यानमा लिएर यातायात चलाउने अवस्था बनाउन महासंघले प्रधानमन्त्रीलाई अनुरोध गरेका हुन् । उनीहरुले कुरा सुनेपछि प्रधानमन्त्रीले सकेसम्म आफूले सक्ने सहयोग गर्ने बताएका छन् ।