पहिलो बोली 
१ साउन, काठमाडाैं
प्रधानमन्त्री ओलीले सरकारको क्षमताअनुसार सार्वजनिक यातायात सञ्चालनका लागि सहयोग गरिने बताएका छन् ।
यातायात क्षेत्रका समस्या एवं विभिन्न मागहरु लिएर चारवटा संगठनका प्रतिनिधिहरु विहीबार बिहान प्रधानमन्त्री ओलीलाई भेट्न बालुवाटार पुगेका थिए ।सो भेटमा प्रधानमन्त्री ओलीले महामारीका कारण प्रभावित सबै क्षेत्रका समस्या राज्यले हेर्नुपर्ने भएकाले आफ्नो सामर्थ्यअनुरुप समाधानमा अग्रसर रहने बताए ।
प्रतिनिधिमण्डलमा महासङ्घका अध्यक्ष योगेन्द्रनाथ कर्माचार्य, महासचिव सरोज सिटौला र उपमहासचिव वसन्त भण्डारी तथा सङ्गठनका अध्यक्ष भीमज्वाला राई, अखिल नेपाल यातायात मजदुर सङ्घका रामचन्द्र कार्की र नेपाल यातायात मजदुर सङ्घका धर्मराज भण्डारी सहभागी थिए ।
