पहिलो बोली 
०१ साउन, काठमाडौंः
नेपालको सत्तारुढ दल नेकपाका दुई अध्यक्ष केपी शर्मा ओली र पुष्प कमल दहाल प्रचण्ड बिच आज पनि छलफल सुरु भएको छ । यो छलफल दुई अध्यक्ष बिच मात्रै हुने भनिएको भएतापनि अन्य शिर्ष नेताहरु पनि थपिएका छन् ।
पार्टीभित्रको विवादलाइ समाधान गर्नका लागि दुई अध्यक्ष ओली र प्रचण्ड सहित माधव नेपाल, विष्णु पौडेल पनि सहभागी भएका छन् । नेकपा पार्टीभित्र चुलिदैं गएको विवादलाई सहमतिमा ल्याउनका लागि दुई अध्यक्ष बिच छलफल भईरहेको छ । यसै बिच आजको छलफलमा अन्य शिर्ष नेता पनि सहभागी भएका हुन् । नेकपामा पछिल्लो समयमा देखिएको गतिरोधलाई अन्त्य गर्ने र पार्टी एकतालाई मजबुत बनाएर अगाडी बढ्नका उनीहरु बिच छलफल भईरहेको छ ।
प्रचण्ड र माधव नेपाल ओलीलाई राजीनामा दिन लगाउने पक्षमा छन् । पार्टी भित्रैबाट पनि ओलीको राजिनामाको माग चर्को भईरहेको थियो । यसरी बल्झिएको पार्टी भित्रैको विवादलाई समाधान गर्नका लागि आज वैठक बसिरहेको छ ।
पार्टीमा विवाद चुलिदैं गएका कारण नेकपाको स्थायी कमिटिको वैठक भने एक सातालाई स्थगीत रहेको छ ।
