पहिलो बोली 
३१ असार, काठमाडौँ :
भंगहा नगरपालिका, महोत्तरीमा खाल्डोमा जमेको पानीमा डुबेर दुईजना बालिकाको मृत्यु भएको छ ।
मृत्यु हुनेमा भंगहा नगरपालिका-६ स्थित मजरा टोल निवासी रमदुला अन्सारीकी ७ वर्षीया छोरी जयनब खातुन र नइम अन्सारीकी ५ वर्षीया छोरी सहनाज खातुन रहेको महोत्तरी प्रहरीका प्रवक्ता प्रकाश विष्टले जानकारी दिए ।
खाल्डोमा वर्षाको पानी जमेको थियो । यी दुबै बालिका त्यहीं पानीमा नुहाउने क्रममा डुबेको उनले बताए । ‘नुहाउने क्रममै दुबै बालिका डुबेको र त्यहीं उनको मृत्यु भएको छ,’ उनले भने, ‘अन्य अनुसन्धान भइरहेको छ ।’
मृतक दुबै बालिकाको शव परीक्षणका लागि प्रादेशिक अस्पताल जनकपुरधाम ल्याइएको प्रहरीले बताएको छ ।
