भारतमा कोरोना संक्रमितको संख्या ९ लाख ३६ हजारभन्दा धेरै, एकै दिनमा थपिए २९ हजारभन्दा बढि कोरोना संक्रमित

३१ असार, काठमाडौंः 

भारतमा कोरोना संक्रमितको संख्या ९ लाख ३६ हजारभन्दा धेरै भएको छ ।

भारतको केन्द्रीय स्वास्थ्य तथा परिवार कल्याण मन्त्रालयले भारतमा पछिल्लो २४ घण्टामा २९ हजार ४२९ सङ्क्रमित थपिएको जनाएको छ । थपिएका संक्रमितसँगै भारतमा कोरोना संक्रमितको संख्या नौ लाख ३६ हजार १८१ पुगेको छ ।

त्यस्तै, भारतमा पछिल्लो २४ घण्टामा कोरोना भाइरसको संक्रमणका कारण ज्यान गुमाउनेको संख्या ५ सय ८२ रहेको छ । योसँगै हालसम्म भारतमा कुल २४ हजार ३ सय ९ जनाले ज्यान गुमाइसकेका छन् ।
हालसम्म भारतमा भेटिएका कोरोना संक्रमितमध्ये ५ लाख ९२ हजार ३२ जना भने कोरोना मुक्त भईसकेका छन् ।