Photo Source: Freepik 
३१ असार, काठमाडौंः
प्रहरीले सरकारद्वारा प्रतिबन्धित नेत्रविक्रम चन्द विप्लव नेतृत्वको समूहका पूर्वी कमान्डका सैन्य इञ्चार्ज हातहतियार सहित पक्राउ गरेको छ ।
प्रहरीले विव्लव समुहका नन्दकिशेर भन्ने नन्दबहादुर बोहोरालाई मंगलबार दिउँसो पक्राउ गरेको हो । उनलाई उनको आफ्नै घर उर्लाबारीमा लुकिछिपी हिँडेको अवस्थामा पक्राउ गरेको जिल्ला प्रहरी कार्यालय मोरंगले जनाएको छ ।
पक्राउ परेका नन्दकिशोरको साथबाट विभिन्न हातहतियार समेत भेटिएको प्रहरीले जनाएको छ । प्रहरीले एक थान कटुवा पेस्तोल, तीन थान गोली, सकेट बम, केही थान सिम बरामद गरेको बताएको छ ।
नन्दकिशोरमाथि विस्फोटलगायतका विभिन्न अपराधिक क्रियाकलापका मुद्दाहरु समेत लागेका छन् ।
