काठमाडौंका जनप्रतिनिधिले अब साइकलमा ओहोरदोहोर गर्ने

३१ असार, काठमाडौं :

काठमाडौं महानगरपालिकाका निर्वाचित जनप्रतिनिधि अब साइकलमै ओहोरदोहोर गर्ने भएका छन । महानगरका करिब ८ सय कर्मचारीले पनि अब साइकलबाटै घर तथा कार्यालय ओहोरदोहोर गर्ने भएका छन् ।

महानगरको हालै सम्पन्न सातौँ नगर परिषद्ले महानगरका जनप्रतिनिधि, कुचिकार र सवारी चालकलाई साइकल दिने निर्णय गरेको हो। यससँगै महानगरमा अब साइकलपारखी बढ्ने भएका छन् ।

काममा छिटोछरितो हुन र स्वच्छ वातावरणका लागि महानगरपालिकाले निर्वाचित प्रतिनिधिसहित कर्मचारीलाई साइकल दिने निर्णय गरेको महानगरका उपप्रमुख हरिप्रभा खड्गीले बताइन् ।