पहिलो बोली 
३१ असार, काठमाडौंः
दक्षिण कोरियामा नेपाली श्रमिकको न्युनतम तलबमा बृद्धि भएको छ ।
आउँदो वर्षबाट लागु हुने गरि कोरियामा काम गरिरहेका नेपाली श्रमिकको तलबमा बृद्धि भएको हो । अब सन् २०२१ बाट कोरियाको ज्याला निर्धारण समितिले निर्धारण गरेजसरी स्वदेशी तथा विदेशी मजदुरको तलबमा १ सय ३० कोरियन वान बढ्ने छ ।
तलब बढेसँगै त्यहाँ काम गर्ने नेपालीहरुको पनि तलबमा बृद्धि भएको छ । पटक पटक बसेको मजदुर संघको वैठकले प्रतिघन्टा १३० वन तलबमा बृद्धि गराएको हो । यो भनेको अहिलेको तलबको १.५ प्रतिशत रहेको छ ।
आउँदो वर्षबाट अब हरेक घण्टा कोरियामा काम गर्ने नेपालीहरुको तलब ८ हजार ७ सय २० वन पुगेको छ । यो भनेको उनीहरुले प्रत्येक घण्टा कम्तीमा नेपाली रुपैंया रु ७ सय ७० पाउनेछन् भने महिनाको १८ लाख २२ हजार ४ सय ८० वन अर्थान नेपाली १ लाख ८० हजार बराबरको तलब पाउनेछन् ।
