पहिलो बोली 
३० असार, काठमाडौंः
विश्वभर फैलिएको कोरोना भाइरसको महामारीका कारण भारतमा संक्रमित हुनेहरुको संख्या ९ लाखभन्दा धेरै भएको छ ।
भारतको स्वास्थ्य मन्त्रालयका अनुसार पछिल्लो २४ घण्टामा थपिएका २८ हजार ४ सय ९८ कोरोना संक्रमित सहित भारतमा कोरोना संक्रमितको संख्याले ९ लाख नाघेको हो । हालसम्म भारतमा कोरोना संक्रमण हुनेहरुको संख्या ९ लाख ६ हजार ७ सय ५२ रहेको छ ।
त्यस्तै, भारतमा पछिल्लो २४ घण्टामा कोरोना भाइरसको संक्रमणका कारण ज्यान गुमाउनेहरुको संख्या ५ सय ५३ रहेको छ । हालसम्म भारतमा कुल २३ हजार ७ सय २७ जनाले कोरोना भाइरसको संक्रमणका कारण ज्यान गुमाइसकेका छन् ।
त्यस्तै, भारतमा हालसम्म ७१ हजार ४ सय ६० जना कोरोना भाइरसको संक्रमण मुक्त भई घर फर्किएका छन् ।
