पहिरो खसेपछि सिद्धार्थ राजमार्ग अवरूद्ध

३० असार, काठमाडौ

सोमबार साँझ ५ बजेतिर पाल्पाको तिनाउ गाउँपालिका दोभानमा पहिरो खसेको थियो। पहिरो खसेपछि सिद्धार्थ राजमार्गको बुटवल-तानसेन सडक खण्ड सोमबार साँझदेखि अवरूद्ध भएको छ।

पहिरो सँगै माथिबाट ठुलो ढुङ्गा समेत सडकमा खसेकोले उक्त पहिरो हटाउन नसकिएको प्रदेश ५ ट्राफिक प्रहरी कार्यालय बुटवलले बताएको छ। रातिदेखि अहिलेसम्म निरन्तर पानी परिरहेकोले पहिरो हटाउन समस्या भएको प्रहरीले जनाएको छ।