काठमाडौंमा मयुर यातायातले सुरु गर्यो सेवा

२९ असार, काठमाडौंः

कोरोना भाइरसको संक्रमणलाई नियन्त्रण तथा रोकथाम गर्नका लागि सरकारले जारी गरेको लकडाउन केही खुकुलो भएसँगै उपत्यकामा मयुर यातायातका बसहरु चल्न थालेका छन् ।

केही दिनअघि नेपाल सरकारले सार्वज्निक यातायातलाई चल्न अनुमति दिएपनि व्यवहायीहरुले भने गाडी संञ्चालन गर्न मानेका थिएनन् । तर, मयुर यातायातले भने आजबाट आफ्नो सेवा सुरु गरेको छ । मयुर यातायातले आज सोमबारबाट काठमाडौं उपत्यका भित्र यातायात सेवा दिन सुरु गरेको हो ।

मयुर यातायातले आफ्नो चार वटा बसलाई सञ्चालनमा ल्याएको छ । सरकारले तोकेको मापदण्ड अनुसार यातायात संञ्चालनमा ल्याएको यातायात कम्पनीले जानकारी दिएको छ । बाँकी रहेका अन्य ४० भन्दा बढि मयुर यातायातका बसहरु मर्मत गरेपछि पुनः सञ्चालनमा ल्याइने कम्पनीले जनाएको छ ।