मुद्दा मिलाइदिन्छु भन्ने पत्रकार पक्राउ

२९ असार, काठमाडौंः मुद्दा मिलाइदिन्छु भन्ने एक पत्रकार पक्राउ परेका छन् ।

प्रेस सङ्गठन नेपाल प्रदेश नम्बर २ का सदस्य तथा एपी खबर बाराका संवाददाता भैयाराम साहलाई प्रहरीले पक्राउ गरेको छ । उनलाई एक मुद्दामा पक्राउ परेका व्यक्तिलाई छुटाइदिन्छु भन्दै पैसा लिएको आरोपमा पक्राउ गरेको प्रहरीले बताएको छ ।

लागु पदार्थको करोबार गर्ने मुद्दामा जेल परेका व्यक्तिलाई छुटाइदिन्छु भन्दै पैसा लिएको आरोपमा भैयारामलाई पक्राउ गरेको प्रहरीले जनाएको छ । प्रहरीका अनुसार भैयारामले जेलमा रहेका व्यक्तिको आफन्तसँग निकै धेरै पैसा मागेको र केही पैसा लिइसकेका छन् । प्रहरीका अनुसार उनी विरुद्ध पैसा मागेको र लिएको दुवै कुराकानीको रकर्ड फेला परेको छ ।

प्रहरीले पक्राउ परेका शाहलाई हिरासतमा लिएको छ । साथै, अदालतबाट थप १० दिनको म्याद लिएर अभद्र व्यवहार मुद्दा दर्ता गरि अनुसन्धान सुरु गरेको प्रहरीले बताएको छ ।