पोखरामा दुई मोटरसाइकल ठोक्किएर आगलागी

२० असार, पोखरा

पोखरा, नयाँ बजारमा दुई वटा मोटरसाइकल एकआपसमा जुध्दा आगलागी भएको छ।

महेन्द्रपुलबाट पृथ्वीचोक जाने क्रममा पोखरा २७ रिठेपानीका २५ वर्षे इच्छा गुरुङले चलाएको ग १६ प ४४४१ र सुरेन्द्र सुनारले चलाएको ३८६१ नम्बरको मोटरसाइकल ठोक्किएको थियो ।

शनिबार दिउँसो करिब साढे ३ बजे पोखरा नयाँबजारस्थित बृहस्पति आयल स्टोर नजिक दुर्घटना भएको थियो ।दुर्घटनामा परी मोटरसाइकलमा सवार चार जना सामान्य घाइते भएका छन्।

दुर्घटनापछि दुबै मोटरसाइकलमा आगो लागेको थियो । पोखरा महानगरपालिकाले जलेको मोटरसाइकलको आगो निभाउन दमकल प्रयोग गरिको थियो। दुवै मोटरसाइकल पूर्ण रुपमा जलेका छन् ।