पहिलो बोली 
Photo Source: The Himalayan Times 
२० असार, काठमाडौंः
आगामी असार २१ गतेबाट सार्वजनिक यातायात सञ्चालन हुने भएको छ ।
नेपाल यातायात व्यवसायी राष्ट्रिय महासंघले भोलीबाट सार्वजनिक यातायात सञ्चालन गर्ने भएको हो । तीन महिनाभन्दा बढीको बन्दाबन्दीले यातायात व्यवासायमा संकट आइपरेकाले भोलीबाट यातायात सञ्चालन गर्ने निर्णय गरिएको संघले बताएको छ । सरकारले राहत उपलब्ध नगराएकोभन्दै २१ गतेबाट यातायात सञ्चालन गर्ने निर्णय गरेको हो ।
यातायात सञ्चालनका लागि माग गर्दा अहिलेसम्म अलमल भएकाले आफैं सञ्चालन गर्ने निर्णय गरेको संघले जनाएको छ । महासङ्घका वरिष्ठ उपाध्यक्ष विजय स्वाँरले भने, ‘यातायात क्षेत्रमा आश्रित परिवार भोकै रहने अस्वस्था छ, बैङ्कको ऋणको त कुरै नगरौँ, गाडी चलेकै छन् तर सावर्जनिक मात्र रोकियो, निजी गाडीले यात्रु ओसारेका छन्, त्यसैले हामीले २१ गतेपछि आफैँ निर्णय गरेर चलाउँछौँ ।’
