कोरोना परिक्षणको दायरा बढ्दै, मधुमेह र क्यान्सरका बिरामीको पनि परिक्षण गरिने

१९ असार, काठमाडौंः

नेपालमा कोरोना परिक्षणको दायरालाई झन फराकिलो बनाईने भएको छ । स्वास्थ्य तथा जनसंख्या मन्त्रालयका अनुसार आजबाट कोरोना परिक्षणमा थप दायरा बढाईएको हो ।

मन्त्रालयको नियमित पत्रकार सम्मेलनमा प्रवक्ता डा. जागेश्वर गौतमका अनुसार अब देखि क्यान्सर तथा मधुमेहका बिरामीको पनि कोरोना परिक्षण हुने छ ।त्यस्तै, आपतकालीन र आईसीयूमा बसेका बिरामी तथा पकेट क्षेत्रमा बसोबास गर्ने मानिसको पनि परिक्षण गरिनेछ । मन्त्रालयका अनुसार अग्रपंत्तीमा खटिएका स्वास्थ्यकर्मीको पनि कोरोना परिक्षण गरिने छ ।

साथै, क्लिनिकल समन्वय समितिको बैठकले सरकारी, सामुदायिक तथा निजी अस्पतालमा उपचार गर्ने व्यवस्था समेत मिलाईएको प्रवक्ता गौतमले जानकारी दिए ।