पहिलो बोली 
Photo Source: OSnepal 
१८ असार, काठमाडौंः
नेपालको सत्तारुढ दल नेकपा भित्र सत्ता विवाद जटिल भईरहेको छ । यहि बेला पार्टीका एक अध्यक्ष पुष्प कमल दहाल प्रचण्ड शितलनिवास पुगेका छन् । उनी राष्ट्रपति विद्यादेवि भण्डारीलाई भेटन शितलनिवास पुगेका हुन् ।
प्रधानमन्त्री तथा नेकपाका एक अध्यक्ष केपी शर्मा ओली आकस्मात संसद अन्त्य गर्न सिफारिस गरेका थिए । त्यहि बेला नेकपाको स्थायी कमिटिको वैठक स्थगित गरेर प्रचण्डले ओलीलालाई बालुटाटारमा भेटेका थिए । तर, लगत्तै राष्ट्रपति भण्डारीले संसद अधिवेशन अन्त्य भएको पत्र संसद सचिवालयमा पठाएपछि प्रचण्ड उनलाई भेटन शितलनिवास पुगेका हुन् ।
संसदको अधिवेशन अन्त्य गरेका प्रधानमन्त्री ओलीले पार्टी फुटाउनका लागि अध्यादेश जारी गर्ने अड्कल बढेको छ । आजै बिहान ओलीले पनि राष्ट्रपति भण्डारीसँग छलफल गरेका थिए । सो भेटमा ओलीले भण्डारीलाई संसद अधिवेशन अन्त्य गर्न सिफारिस गरेका थिए ।
