केपी ओलीलाई पाकिस्तानको साथ

१८ असार, काठमाडौंः

नेपालका प्रधानमन्त्री तथा नेकपाका अध्यक्ष केपी शर्मा ओलीलाई पाकिस्तानका प्रधानमन्त्री इमरान खानले सहयोगको हात अघि सारेका छन् । पार्टी भित्रैबाट उनको राजिनामाका लागि माग आईरहेको समयमा इमरान खानले उनलाई सहयोग गर्न चाहेका हुन् ।

भारतीय सञ्चारमाध्यम हिन्दुस्थान टायम्सका अनुसार इस्लामावादले नेपाली परराष्ट्र मन्त्रीलाई पाकिस्तानी प्रधानमन्त्री इमरान खानसँग फोनमा कुराकानी गर्न औपचारिक सन्देश पठाएको छ । समाचारमा उल्लेख भए अनुसार प्रधानमन्त्री ओलीसँग इमरान खानले मंगलबार नेपाली समय अनुसार १२ बजेर ४५ मिनेटमा कुराकानी गर्ने प्रस्ताव गरेका थिए । तर, उनीहरु बिचमा कुनै कुराकानी भयो वा भएन भन्ने बारेमा भने खुलासा भएको छैन ।
त्यस्तै, नेपालको मन्त्रालयले भने यस विषयमा कुनै पनि आधिकारी जानकारी बाहिर ल्याएको छैन ।

अहिले चलिरहेको नेकपाको स्थायी कमिटिको वैठकमा नेपालका प्रधानमन्त्री ओलीलाई पार्टीका सदस्यहरुले नै प्रधानमन्त्री र पार्टी अध्यक्ष पदबाट राजिनामा दिनुपर्ने माग गरिरहेका छन् ।