ब्राजील कोरोना भाइरसको अर्को हटस्पट, एकै दिनमा थपिए ४६ हजारभन्दा धेरै संक्रमित

१८ असार, काठमाडौंः

बढदो रुपमा फैलिरहेको कोरोना भाइरसको संक्रमणका कारण ब्राजीलमा एकै दिनमा ४६ हजारभन्दा धेरैमा संक्रमणको पुष्टि भएको छ । पछिल्लो समयमा हटस्पटको रुपमा बनिरहेको ब्राजीलमा एकै दिनमा यो संख्यामा कोरोना संक्रमित थपिएका हुन् ।

बुधबार ब्राजीलमा थप ४६ हजार ७ सय १२ जनामा कोरोना भाइरसको संक्रमणको पुष्टि भएको जोन्स हप्किन्स विश्वविद्यालयको तथ्यांकले देखाएको छ । योसँगै ब्राजीलमा कोरोना संक्रमणको पुष्टि हुनेको संख्या कुल १४ लाख ४८ हजार ७ सय ५३ पुगेको छ ।

त्यस्तै, तथ्यांकका अनुसार पछिल्लो २४ घण्टामा ब्राजिलमा १ हजार ३८ जनाको मृत्यु भएको छ । हालसम्म कोरोना भाईरका कारण ब्राजीलमा ज्यान गुमाउनेको संख्या ६० हजारभन्दा बढि भएको छ ।