गण्डकीमा थप २८ जनामा कोरोना संक्रमणको पुष्टि

१७ असार, काठमाडौंः

बुधबार गण्डकी प्रदेशमा थप २८ जनामा कोरोना भाइरसको संक्रमण भएको पुष्टि भएको छ । गण्डकी प्रदेशको स्वास्थ्य निर्देशनालयका अनुसार बुधबार गण्डकी प्रदेशका विभिन्न ६ जिल्लामा थप कोरोना संक्रमित थपिएको पुष्टि भएको छ ।

थपिएका संक्रमितमध्ये १२ जना पुर्वी नवलपरासीका रहेका छन् । त्यस्तै, बुलिङटार गाउँपालिकाका २ जना पुरुष रहेका छन् । थपिएका संक्रमितमध्ये गैडाकोट गाउँपालिकामा १० जना रहेका छन् । त्यस्तै, गोरखाका ३ जनामा कोरोना संक्रमण देखिएको छ । गोरखाकै बारपाक गाउँपालिकाका २ जना कोरोना संक्रमणको पुष्टि भएको छ । त्यस्तै, सहिद लखन गाउँपालिकामा थप १ जनामा कोरोना संक्रमण पुष्टि भएको छ ।