पहिलो बोली 
Photo Source: AFP agency 
१७ असार, काठमाडौंः
फुटबल खेलाडी लिओनल मेसीले आफ्नो करिअरमा हिजो सात सयौं गोल गरेका छन् । योसँगै करिअरमा सात सय गोल गर्नेको सुचिमा मेसिको पनि नाम लेखिएको छ ।
बार्सिलोना तथा अर्जेन्टिनाका कप्तान रहेका लिओनल मेसीले आफ्नो फुटबल करियरमा सात सयौं गोल हिजो राती एट्लेटिको मड्रिड विरुद्धको खेलमा पूरा गरेका हुन । स्पेनिस ला लिगाअन्तर्गतको खेलमा मसिले खेलको ५० औं मिनटमा गोल गरेका थिए । उनले पेनाल्टी मार्फत गोल गरेका हुन् ।
अहिले विश्व फुटबलमा सक्रिय रहेका फुटबल खेलाडी मध्ये सात सय गोल गर्ने मेसी दोस्रो खेलाडी रहेका छन् । मेसीले हालसम्म कुल ८ सय ६० खेलमा ७ सय गोल गरेका हुन् । त्यस्तै, अर्का सक्रिय खेलाडी रहेका क्रिस्टियानो रोनाल्डो हुन् । उनले पनि हालसम्म आफ्नो खेल करिअरमा सात सय गोल गरिसकेका छन् ।
