चीनमा नयाँ किसिमको भाइरस भेटियो, महामारी ल्याउन सक्ने अनुमान

१६ असार, काठमाडौंः

कोरोना भाइरसको उद्गम स्थल चीनमा फेरि अर्को भाइरस भेटिएको छ ।

चीनबाट सुरुवातमा फैलिएको कोरोना भाइरसले अहिले विश्वलाई त्रासमा राखेको छ । यसै क्रममा चीनमा नयाँ भाइरस भेटिएको छ । समाचार माध्यम बीबीसीका अनुसार चीनका वैज्ञानिकहरुले नयाँ भाइरस रहेको पत्ता लगाएका छन् ।

बीबीसीका अनुसार नयाँ भेटिएको भाइरस फ्लुको किसिमको रहेको छ । तर, यसमा भएको स्ट्रेनले महामारीको रुप लिनसक्ने अनुमान गरिएको छ । जानकारीका अनुसार भाइरसमा देखिएको नयाँ किसिमको स्ट्रेन प्राय सुँगुरमा हुने गर्छ । तर, यो भाइरसले आफ्नो स्वरुप बदल्ने हुँदा यसले मानिसलाई पनि संक्रमित बनाउन सक्ने र एकबाट अर्को मानिसमा सजिल्यै सर्न सक्ने अनुमान गरिएको छ ।