भारतमा एकै दिनमा थपिए १९ हजारभन्दा धेरै कोरोना संक्रमित

१६ असार, काठमाडौंः

नेपालको छिमेकी मुलुक भारतमा एकै दिनमा १९ हजारभन्दा धेरै कोरोना भाइरसको संक्रमणको पुष्टि भएको छ । भारतीय सरकारको केन्द्रिय स्वास्थ्य मन्त्रालका अनुसार पछिल्लो विवरणमा एकै दिनमा कुल १९ हजार ४ सय ५९ कोरोना संक्रमित थपिएको बताईएको छ ।

थपिएका संक्रमितसँगै भारतमा कोरोना संक्रमणको पुष्टि हुनेहरुको संख्या कुल ५ लाख ४८ हजार ३ सय १८ पुगेको छ ।

त्यस्तै, भारतमा पछिल्लो २४ घण्टामा थप ३ सय ८० जना कोरोना भाइरसको संक्रमणका कारण मृत्यु भएका छन् । योसँगै भारतमा मृत्यु हुनेको संख्या १६ हजार ४ सय ७५ पुगेको केन्द्रिय स्वास्थ्य मन्त्रालयले जनाएको छ ।

«भारतमा सबैभन्दा प्रभावित रहेको क्षेत्र महाराष्ट्र हो । महाराष्ट्रमा मात्रै कुल १ लाख ४६ हजार संक्रमित रहेका छन् । त्यस्तै मृत्यु हुनेको संख्या कुल ७ हजार ४ सय २९ रहेको छ । अर्कातिर दिल्लीमा कुल ७३ हजार ७७ कोरोना संक्रमित रहेका छन् भने २ हजार ६ सय २३ जनाको मृत्यु भईसकेको छ ।