सीसीएमसीको निर्देशनः लुजडाउनका मापदण्ड कडाईका साथ पालना गरियोस

१५ असार, काठमाडौंः

नेपालमा सरकारले सुरुवात गरेको खुकुलो लकडाउन (लुजडाउन)का मागदण्ड कडाईका साथ लागु गर्न निर्देशन गरिएको छ । सरकारले कोरोनाको नियन्त्रण, रोकथाम तथा निदानका लागि राखेको कोभिड–१९ संकट व्यवस्थापन सेन्टर (सीसीएमसी)ले अहिले सरकारले जारी गरेको खुकुलो लकडाउन (लुजडाउन)का विभिन्न मापदण्ड कडाईका साथ लागू गर्नुपर्ने निर्देशन गरेको हो ।

सोमबार बसेको सीसीएमसीको निर्देशन समितिको वैठकमा भाषा परिक्षा, उद्योग सञ्चालन लगायतमा सरकारले निर्धारण गरेको मापदण्डलाई कडाईका साथ लागु गर्न माग गरेको हो । यी क्षेत्रमा मापदण्ड पालना नभएको बताउँदै वैठककले कडाईका साथ लागु गर्नुपर्ने निर्देशन दिएको छ ।

त्यस्तै वैठकमा स्वास्थ्य सामग्री उपहार दिन जान बाहानामा जो मन लाग्यो, त्यहिँलाई क्वारेन्टाइनमा जान दिने प्रवृतिलाई बन्द गर्न समेत निर्देशत दिएको छ । क्वारेन्टाइनमा बस्नेहरुलाई सकेसम्म स्वास्थ्य मन्त्रालयले दिनुपर्ने र कोही जानै पर्ने भएमा पनि सरकारमार्फत स्वास्थ्य मन्त्रालयको अनुमति लिएर मात्रै जानुपर्ने बताईएको छ ।