पहिलो बोली 
१५ असार, काठमाडौंः
नेपालको सत्तारुढ दल नेपाल कम्युनिष्ट पार्टीले तत्काल रोकेको विधेयक राष्ट्रिय सभाले आज पारित गर्दैछ । नेकपाले अघि नबढाउने भन्दै रोकेको अख्तियार दुरुपयोग अनुसन्धान आयोग ऐन र भ्रष्टाचार निवारण ऐन संशोधन सम्बन्धी विधेयकलाई राष्ट्रिय सभाले पारित गर्न लागेको हो । नेकपा सचिवालयले यी विधेयकलाई तत्काललाई अघि नबढाउने निर्णय गरेको थियो ।
आज राष्ट्रिय सभाको वैठक दिउँसो एक बजे बस्दैछ । बैठकको कार्यसूचीमा प्रधानमन्त्री केपी शर्मा ओलीले अख्तियार दुरुपयोग अनुसन्धान आयोग (तेस्रो संशोधन) विधेयक र भ्रष्टाचार निवारण(पहिलो संशोधन) विधेयक पारित गरियोस् भन्ने उल्लेख गरिएको छ ।
नेकपाले यी दुई विधेयकमा विधेयकमा निजी क्षेत्रमा हुने अनियमितता र ठगी पनि अख्तियारले नै हेर्ने प्रावधान भएकाले यसलाई तत्काल रोकेको थियो आगामी दिनमा केही परिवर्तन गरेर पास गर्ने भन्ने कुरा थियो । विधेयकमा के के विषयमा परिवर्तन गर्ने भन्ने बारेमा आज दिउँसो साढे १२ बजे वैठक रहेको छ ।
