पर्सामा भारतबाट फर्किएका थप दुई जनामा कोरोना संक्रमणको पुष्टि

१३ असार, काठमाडौंः

भारतबाट फर्किएर आएका थप दुई जनामा कोरोना भाइरसको संक्रमण भएको पुष्टि भएको छ । पर्सा जिल्लामा एक होटलमा क्वारेन्टाइनमा बसिरहेका दुई जनामा कोरोना भाइरसको संक्रमण भएको पुष्टि भएको हो ।

गत असार ४ गते भारतबाट फर्किएका उनीहरु बिगञ्जको कुमु नामक एक होटलमा क्वारेन्टाइनमा बसिरहेका थिए । असार १० गते परिक्षणका लागि उनीहरुको स्वाब संकलन गरिएको थियो । नारायणि अस्पतालमा गरिएको परिक्षणमा थप दुई जनामा कोरोना भाइरसको संक्रमण भएको पुष्टि भएको छ ।

संक्रमणको पुष्टि हुनेमा एक जना महिला र एक जना पुरुष रहेका छन् । उनीहरु दुवै जनाको उमेर ३२ रहेको छ ।
थपिएका संक्रमितसँगै पर्सामा हालसम्म कोरोना भाइरसको संक्रमणको पुष्टि हुनेको संख्या कुल १ सय ५८ पुगेको छ ।