अनसन बसेका सामाजिक अभियन्ता ईः पक्राउ

१२ असार, काठमाडौंः

अनसन बसेका सामाजिक अभियन्ता ईः (ईशान)लाई प्रहरीले पक्राउ गरेको छ । उनलाई हिजो राती अनसन बसेको ठाउँबाट पक्राउ गरिएको हो ।

शुक्रबरा दिउँसो १ बजे पाटनस्थित कृष्ण मन्दिर परिसरमा अनसन बसेका ईलाई हिजो राती प्रहरीले पक्राउ गरेको हो । सरकारले कोरोना भाइरसको महामारी नियन्त्रणमा प्रभावकारी काम गर्न नसकेको भन्दै आफ्ना १४ बुदे माग माग राखेर अनसन बसेका ईः महानगरिय प्रहरी परिसर ललितपुरले पक्राउ गरि नियन्त्रणमा लिएको हो ।

महामारी समयमा अनसन बस्दा असुरक्षित भएको भन्दै प्रहरीले उनलाई नियन्त्रणमा लिएको ललितपुरका प्रवक्ता प्रहरी एसपी तुलबहादर कार्कीले बताए । महामाहारीको समयमा स्थानीयले आक्रमण गर्ने डर भएको र असुरक्षित भएकाले उनलाई नियन्त्रणमा लिईएको उनले बताए । प्रवक्ता कार्कीले भने, ‘उनलाई अनसन नबस्न भनेका छौं । परिवारलाई बोलाएर जिम्मा लगाईदिने तयारी गरिरहेका छौं ।’

अनसन बसेका ईः ले भने आफ्ना १४ बुदे माग पुरा गर्न सरकारलाई समय दिएका छन् ।