नेपाल र भारतको सिमानामा तारबार लगाउन नेकपाका स्थायी सदस्यहरुको माग

१२ असार, काठमाडौंः

नेपाल कम्युनिष्ट पार्टीको स्थायी कमिटिको वैठकमा नेपाल र भारतको सिमानामा तारबार लगाउन माग भएको छ । नेकपाको आज बसेको स्थायी कमिटिको वैठकमा नेपाल र भारतको सिमानामा तारबार लगाउनुपर्छ भन्ने कुरामा बलियो मत परेको छ ।

शुत्रबार प्रधानमन्त्री निवास वालुवाटारमा बसेको वैठकमा स्थायी कमिटीका सदस्यहरुले नेपाल भारतको सिमानालाई सिल गर्नुपर्ने धारणा राखेका थिए । वैठकको सुरुवामा परराष्ट्रमन्त्री प्रदीपकुमार ज्ञवालीले नेपाल र भारत सीमा विवादको ऐतिहासिक तथ्यसहित आफ्नो धारणा राख्दै दुई देशको बिचमा तारबार लगाउनुपर्ने बताएका थिए । उनले नेपाल र भारत बिचमा कुटनीतिक कुराकानीमार्फत अतिक्रमित भूमि फिर्ता ल्याउन खोज्दा भारत सकरात्मक नदेखिएकाले यस्तो धारणा राखेका हुन् । उनले भारत वार्तामा आउनुपर्ने बताएका छन ।

त्यस्तै, वैठकमा नेकपाका विभिन्न नेताले नेपाल र भारतको सिमानालाई सिल गरेर नेपालको तर्फबाट तारबार लगाउनुपर्ने बताएका छन् । नेकपाको स्थायी कमिटी सदस्यहरु देव गुरुङ, लीलामणि पोखरेल, पम्फा भुसाल लगायत अन्यले यस्तो धारणा राखेका हन् ।