पहिलो बोली 
१२ असार, काठमाडौंः
शुक्रबार बिहान गुल्मीमा थप १२ जनामा कोरोना भाइरस संक्रमित थपिएका छन् ।
रुपन्देहीस्थित प्रादेशिक प्रयोगशालामा भएको पिसिआर परिक्षणमा गुल्मीमा थप १२ जनामा संक्रमण भएको पुष्टि भएको हो । पुष्टि भएका संक्रमितहरुमा धुर्कोट गाउँपालिकामा ५ जना, इस्मा गाउँपालिकामा ४ जना र रुरु क्षेत्र गाउँपालिकामा ३ जना गरी १२ जना रहेको गुल्मीको जिल्ला स्वास्थ्य कार्यालयले जनाएको छ ।
कार्यालयका अनुसार थपिएका संक्रमितहरुमा धुर्कोटका २९, ३६, ३५ र २३ वर्षका पुरुष छन् भने १९ वर्षिया महिला रहेकी छिन् । त्यस्तै, इस्मा गाउँपालिकामा थपिएका संक्रमितहरुमा २०, ३४ र २६ वर्षका ती पुरुष रहेका छन् भने एक जना २२ वर्षकी महिला रहेकी छिन् । रुरुमा थपिएका संक्रमितमा एक जना ५ वर्षीय बालक र अन्य दुई जना २८ र ३५ वर्षी पुरुष रहेको स्वास्थ्य कार्यालयले जनाएको छ ।
योसँगै गुिल्मीमा हालसम्मको संक्रमित संख्या कुल १ सय ५७ जना रहेको छ भने भने २० जना डिस्चार्ज भईसकेका छन । त्यस्तै ,गुल्मी जिल्लामा नै तीन जनाको कोरोना संक्रमणका कारण मृत्यु भईसकेको छ ।
