पहिलो बोली 
११ असार, काठमाडौंः
पछिल्लो २४ घण्टामा विभिन्न ठाउँबाट कुल ३ सय १२ जना कोरोना संक्रमित कोरोना मुक्त भएका छन ।
स्वाथ्य तथा जनसंख्या मन्त्रालयको नियमित पत्रकार सम्मेलनमा प्रवक्ता डा. जागेश्वर गौतले बताएअनुसार पछिल्लो २४ घण्टामा थप ३ सय १२ जना संक्रमित संक्रमण मुक्त भएका हुन् । योसँगै नेपालमा कोरोना संक्रमणबाट मुक्त हुनेहरुको संख्या २ हजार ६ सय ५० पुगेको छ ।
त्यस्तै, हालसम्म नेपालमा कुल ११ हजार १ सय ६२ जनामा कोरोना भाइरसको संक्रमण देखिएको छ । आज मात्रै नेपालभर गरि कुल ४ सय ३४ जनामा कोरोना संक्रमणको पुष्टि भएको हो ।
