नेपाली महिलासँग विवाह गर्ने विदेशी पुरुषलाई पनि नागरिकता दिन कांग्रेस सभापति देउवाको माग

१० असार, काठमाडौंः

प्रमुख प्रतिपक्ष दल नेपाली कांग्रेसका सभापति शेरबहादुर देउवाले नेपाली महिलासँग विवाह गर्ने पुरुषलाई पनि नगरिकताको व्यवस्था गर्नुपर्ने माग गरेका छन् । सामाजीक सञ्जालमा लेख्दै उनले सरकारले नागरिकता दिँदा नेपाली महिला र पुरुषबिचमा विभेद गर्न नहुने भएकाले पुरुषलाई पनि नागरिकताको व्यवस्था गर्न माग गरेका छन् ।

नेपाली पुरुषसँग विवाह गर्ने विदेशी महिलालाई नेपाली नागरिकताको व्यवस्था गरेजस्तै नेपाली महिलासँग विवाह गर्ने विदेशी पुरुषलाई पनि नेपाली नागरिकता दिनुपर्ने देउवाले बताएका छन् । उनले सामाजिक संञ्जालमा लेखेका छन्, ‘नेपाली पुरुषसँग विवाह गर्ने महिलाले जस्तै नेपाली महिलासँग विवाह गर्ने विदेशी पुरुषलाई पनि नागरिकताको व्यवस्था गर्नुपर्छ ।’

उनले सरकारले महिला र पुरुषको बिचमा विभेद गर्न नहुने बताएका छन् । देउवा लेख्छन, ‘महिला र पुरुषमा यसरी सरकारले विभेदको सिर्जना गर्नु कदापी पनि उचित छैन् । महिला र पुरुष बिचमा विभेद नहुने गरि नागरिकता सम्बन्धि प्रावधानको निर्माण हुनुपर्छ । समानताको अवधाराणा र मर्म अनुरुप नागरिकता विधेयक अधि बढाउन म सत्तरुढ नेकपासँग माग गर्दछु ।’