पहिलो बोली 
Photo Source: Wikimedia Commons 
१० असार, काठमाडौंः
कोरोना भाईरसको महामारीको समयमा काठमाडौंमा घाडामा बस्नेहरुलाई कम्तीमा एक महिनाको घरभाडा छुट दिने घरबेटीलाई काठमाडौं महानगरपालिका पनि बहाल करमा सहुलियत दिने भएको छ ।
अहिले व्यापार व्यवसाय ठप्प छन् । यस्तो बेला काठमाडौंमा बस्ने वहालवालाहरुलाई समस्या परेको छ । घाडामा बस्नेहरुको समस्यालाई बुझेर कम्तीमा एक महिनाको घरभाडा छुट दिने घरबेटीलाई काठमाडौं महानगरपालिकाले बहालकरमा १० प्रतिशत छुट दिने निर्णय गरेको छ । आर्थिक वर्ष २०७६÷७७ मा घर मालिकले महानगरलाई बुझाउनुपर्ने बहाल करमा महानगरले १० प्रतिशत छुट दिने व्यवस्था गरेको हो ।
आफ्नो घर, जग्गा वा कुनै पनि किसिमको आम्दानी हुने सम्पतीलाई भाडामा लगाएमा मालिकले महानगरलाई तिनुपर्ने बहालकरमा १० प्रतिशत छुट दिने व्यवस्था काठमाडौं महानगरपालिकाले आर्थिक विधेयकमा उल्लेख गरेको छ ।
