देशमा कोरोना फैलिएको बेला राष्ट्रपतिको रात्रीभोज

१० असार, काठमाडौंः

देश कोरोना कहरको बिच जुँधिरहेको बेला नेपालकी राष्ट्रपति विद्यादेवि भण्डारीले भने आज रात्री भोजको आयोजना गरेकी छिन् । भोज आज साँझ शितल निवासमा रहेको छ ।

अहिले नेपालमा कोरोना भाइरसको संक्रमण सबैतिर फैलिसकेको छ । रसुवा बाहेक ७६ जिल्लामा कोरोना फैलिएको छ । तर, राष्ट्रपति जस्तो जिम्मेवार पदमा रहेकी बिद्यादेवि भण्डारीले भने यस्तो बेलामा पनि भोजको आयोजना गरेकी छिन् । उनका स्वकीय सचिव भेषराज अधिकारीका अनुसार नेपालका प्रधानमन्त्रीसहित अन्य विभिन्न उच्च पदस्थ व्यक्तिहरुलाई निम्त्याएर भोजको आयोजना गरिएको छ ।

राष्ट्रपतिले दिने भोजमा प्रधानमन्त्री केपी ओलि, उपराष्ट्रपति नन्दबहादुर पुन, सभामुख अग्नीप्रसाद सापकोटा लगायतलाई बोलाएर राष्ट्रपति भण्डारी लगायतको उपस्थिति हुनेछ । त्यस्तै, भोजमा पुष्पकमल दहाल प्रचण्ड, माधवकुमार नेपाल, झलनाथ खनाल लगायतसँगै अन्य विभिन्न दलका नेता तथा संवैधानिक निकायमा रहेका व्यक्तिहरुलाई बोलाईएको छ ।