पहिलो बोली 
१० असार, काठमाडौंः
नेपाली काँग्रेसको भ्रातृ संस्था नेपाल विद्यार्थी सङ्घले शैक्षिक संस्था पूर्णरुपमा नखुलेसम्म विद्यालयमा कुनै पनि शुल्क नबुझाउनलाइ अभिभावकसँग आग्रह गरेको छ ।
नेविसङ्घका अध्यक्ष राजिव ढुङ्गानाका अनुसार “कोरोना सङ्क्रमणका कारणले तीन महिनौँदेखि मनोवैज्ञानिकरुपमा समेत त्रसित, तनाव र दबाब झेलिरहेका विद्यार्थीका अभिभावकलाई यस अवधिको शैक्षिक शुल्क चुक्ता गर्न लगाउनु भत्र्सनायोग्य छ।” उहाले एक विज्ञप्ति जारी गरी बन्दाबन्दीका कारण घरमै सीमित भएर बसेका विद्यार्थीलाई शैक्षिक शुल्क चुक्ता गर्न लगाउनु हास्यास्पद कुरा भएको बताउनुभयो ।
नेविसङ्घका महामन्त्री दीपक भट्टराईले पनि शिक्षा मन्त्रालयको वैशाख २२ को मन्त्रिस्तरीय निर्णयले अर्को निर्णय ननिकालेसम्म कुनै पनि तहको भर्ना नगर्न , नगराउन सुझाव दिनुभएको हो। यस्तो समयमा पनि विद्यालय सञ्चालकले गरेको आग्रह दुःखद् भएको उहाले बताउनुभयो ।
शैक्षिक संस्था बन्द भएको समयमा निजी विद्यालयले शुल्क असुले नेविसङ्घले आन्दोलनमा उत्रने चेतावनीसमेत दिएको छ ।
