बुधबार बिहान थप ३२ जनामा कोरोना भाइरसको संक्रमण भएको पुष्टि

१० असार, काठमाडौंः

गण्डकी प्रदेशमा थप ३२ जनामा कोरोना भाईरसको संक्रमणको पुष्टि भएको छ । गण्डकी प्रदेशको स्वास्थ्य निर्देशनालयले बुधबार बिहान जारी गरेको सुचनाअनुसार प्रदेशका विभिन्न जिल्लामा थप संक्रमित फेला परेका हुन् ।

थपिएका संक्रमितहरु लमजुङका ५ जना, स्याङ्जाका ७ जना, कास्कीका ५ जना, बाग्लुङका ९ जना, नवलपरासी पुर्वका ३ जना, तनहुँका १ जना र पर्वतका १ जना रहेको प्रदेश निर्देशनालयका निर्देशक विनोदविन्दु शर्माले बताए । उनले भनेअनुसार संक्रमित सबैलाई सम्बिन्धित जिल्लाको आइसोलेसनमा राख्ने तयारी भईरहेको छ ।

बुधबार बिहान थपिएका संक्रमितसँगै नेपालमा कुल कोरोना संक्रमितको संख्या १० हजार १ सय ३१ पुगेको छ ।