पहिलो बोली 
०९ असार, काठमाडौंः
भारत र पाकिस्तानको सीमामा भएको गोलीबारीमा एक नेपालीको मृत्यु भएको छ । भारतीय सञ्चारमाध्यमका अनुसार सोमबार भारत–पाकिस्तान सीमा क्षेत्रमा गोलीबारी भएको थियो । उक्त घटनामा परि भारतीय सेनामा कार्यरत एक नेपालीको मृत्यु भएको बताईएको छ ।
जम्मु कश्मीरको रजौरी जिल्लास्थित लाइन अफ कन्ट्रोलमा गोली चलेको भारतीय सञ्चारमाध्यमले जनाएको छ । पाकिस्तानले सिमा क्षेत्रमा रहेको लाइन अफ कन्ट्रोलमा युद्धविराम उललंघन गर्दै गोली चलाएको सञ्चारमाध्यमले उल्लेख गरेका छन् । उक्त घटनामा मृत्यु हुने भारतीय सेनामा कार्यरत दीपक काकी रहेका छन् ।
भारतका सुरक्षा प्रवक्ताका अनुसार सोमबार गोलीबारीको घटना भएको हो । उनले भने, ‘अहिले सिमानामा तनाव बढेको छ । काकी यो घटनामा घाइते भएका थिए । उपचारमा उनको मृत्यु भएको छ ।’
