पहिलो बोली 
Photo Source: Himalaya Airlines 
०८ असार, काठमाडौं:
माल्दिभ्समा अफ्ठ्यारोमा परेका १५६ जना नेपाली उद्दार भएर काठमाडौं आइपुगेका छन्। विश्वभर फैलिएको महामारी कोरोनाका कारणले विभिन्न रुपमा अप्ठ्यारोमा परेका नेपालीहरु सोमबार नेपाल आइपुगेका हुन् । हिमालय एयरलाइन्सको चार्टर उडानबाट उनीहरु नेपाल आएका हुन् ।
केही दिन अघि दुई पटक गरि माल्दिभ्सबाट ३ सय १० जना नेपालीको उद्दार भईसकेको छ । असार दुई गते १ सय ५४ जना र असार ५ गते १ सय ५६ जनालाई उद्दार गरिएको छ । उनीहरुलाई विभिन्न ठाउँमा क्वारेन्टाइनमा राखिएको छ ।
सोमबार फर्किएकाहरुलाई पनि विमानस्थलबाट क्वारेन्टाइनमा बस्नको लागि होल्डिङ्ग सेन्टर लगिने व्यवस्था गरिएको छ ।
