भारतीय सैनिकको बलिदान यसै खेर जान दिदैनौंः भारतीय वायु सेना प्रमुख

०६ असार काठमाडौंः

भारतीय वायु सेनाका प्रमुख आरकेएस भदौरियाले भारतीय सैनिकको बलिदान व्यर्थै जान नदिने बताएका छन् । केही दिनअघि भारत र चीनको सिमा क्षेत्र लद्दाखमा भएको भिडन्तमा ज्यान गुमाएका २० जना भारतीय सैनिकलाई सम्बोधन गर्दै उनले यस्तो बताएका हुन् ।

भदौरियाका अनुसार भारत दुई देश बिच शान्ती स्थापित गर्नलाई पूर्ण रुपमा प्रतिबद्ध रहेको छ । तर, गलवान उपत्यकामा भारतीय सैनिकले दिएको बलिदानलाई भने यसै खेर जान नदिने उनले बताएका छन् । भारतीय सञ्चार माध्यममा उल्लेख भए अनुसार उनले भने, ‘ हामी शान्ती चाहन्छौं, र शान्ती स्थापित गर्नमा प्रतिबद्ध पनि छौं । तर, लद्दाखको गलवान उपत्यकामा हाम्रा सैनिकले दिएको बलिदानलाई व्यर्थै खेर जान दिदैंनौं ।

केही दिनअघि भारत र चीनको सिमा क्षेत्र लद्दाखस्थित गलवान उपत्यकामा भिडन्त भएको थियो । चीनियाँ सेना र भारतीय सेना बिच भएको भिडन्तमा २० जना भारतीय सैनिक मारिएका थिए । चीनले भने आफ्नो पक्षमा कति क्षति भएको छ भन्ने बारेमा औपचारिक जानकारी दिएको छैन ।