०४ असार, काठमाडौंः
नेपालमा कोरोना भाइरसको संक्रमणबाट मुक्त हुनेको संख्या १ हजार १ सय ८६ पुगेको छ । पछिल्लो २४ घण्टामा देशका विभिन्न अस्पतालमा कोभिड १९ विरुद्ध उपचार गराईरहेका संक्रमितमध्ये थप १९ जना कोरोना भाइरस संक्रमण मुक्त भएका हुन् । योसँगै संक्रमण मुक्त हुनेको संख्या १ हजार १ सय ८६ पुगेको हो ।
स्वास्थ्य तथा जनसंख्या मन्त्रालयको नियमित पत्रकार सम्मेलनमा प्रवक्ता डा. जागेश्वर गौतमले बिहिबार थप १९ जना संक्रमण मुक्त भएको जानकारी दिए । संक्रमणमुक्त हुनेहरुमा जुम्तामा उपचाररत रहका ६ जना छन् । त्यस्तै, गौतमले बताए अनुसार, सल्कोट आइसोलेसन सेन्टरबाट ३ जना, नारायणी अस्पतालमा उपचाररत रहेका ८ जना, सुर्खेतमा उपचारर रहेका १ जना र दैलेखमा उपचाररत रहेका १ जना कोरोना संक्रमणमुक्त भएका हुन् ।
हालसम्म नेपालमा कोरोना संक्रमितको संख्या भने ७ हजार ८ सय ४८ पुगेको छ । बिहिबार मात्रै थप ६ सय ७१ जनामा कोरोना संक्रमण भएको पुष्टि भएसँगै संख्या ७ हजार ८ सय ४८ पुगेको डा. गौतमले पत्रकार सम्मेलनमा बताएका हुन् ।
