फ्रान्समा लकडाउन खुकुलिदैं, राष्ट्रपतिले गरे कोरोना विरुद्ध पहिलो युद्ध जितेको घोषणा

१ असार, काठमाडौंः

फ्रान्सका राष्ट्रपति इमान्वेल मेक्रोनले आफ्नो देशले कोरोना भाइरस विरुद्धको पहिलो युद्ध जितेको घोषणा गरेका छन् । टेलिभिजनमार्फत जनतालाई सम्बोधन गर्दै उनले यसो भनेका थिए । उनले भने, ‘हामीले पहिलो युद्ध जितेका छौं । तर, भाइरसको लहर फेरि आउन सक्ने भएकाले सतर्क हुनुपर्छ ।

त्यस्तै, फ्रान्समा कोरोना भाइरस संक्रमणको फैलावटलाई नियन्त्रण तथा रोकथामका लागि लगाईएका प्रतिबन्दहरु खुल्ला भएका छन् । फ्रान्सका राष्ट्रपति ईमान्वेल मेक्रोनले कोरोना भाइरसको संक्रमणलाई नियन्त्रण गर्नका लागि लगाईएका प्रतिबन्दहरु खुकुलो पारिएको घोषणा गरेका हुन् ।

सोमबारबाट क्याफे तथा रेष्टुरेन्टहरु खुल्ला हुने र अन्य युरोपेली देशहरुमा फ्रान्सबाट आवतजावत गर्न सकिने मेक्रोनले घोषणा गरेका छन् । त्यस्तै, रिटायरहोममा राखिएका आफन्तलाई पनि अन्य परिवारका मानिसले भट्न मिल्नेछ ।

फ्रान्स जस्तै अन्य कतिपय देशहरुले पनि युरोपियन युनियनमा आबद्ध देशहरु बिचमा सिमाना खुल्ला गर्दै छन् । सोमबारबाट एक देशबाट अर्को देशमा आवतजावत गर्न छुट दिईएको छ ।

फ्रान्समा यो महिनाबाट होटल, रेष्टुरेन्ट, क्याफे लगायतमा सामाजिक दुरी कायम गर्दै संञ्चालन गर्ने अनुमति दिईएको छ । त्यस्तै, राष्ट्रपनि मेक्रोनका अनुसार फ्रान्सका विद्यालयहरु भने आगामी जुन २२ बाट संञ्चालनमा आउने छन् ।