भारतीय अभिनेता सुशान्त सिंह राजपुतको निधन, आफ्नै घरमा झुण्डिएको अवस्थामा भेटिए

३२ जेठ, काठमाडौंः

भारतीय अभिनेता सुशान्त सिंह राजपुतको निधन भएको छ ।

मुम्बई प्रहरी तथा सिंहका आफन्तका अनुसार मुम्बईस्थित आफ्नै घरमा उनलाई मृत भेटिएको हो । घरमा झुण्डिएको अवस्थामा उनलाई मृत भेटिएको प्रहरीले जनाएको छ ।

सिंहले पहिलो पटक २०१४ मा सिनेमा ‘काइ पो चे’ मार्फत अभिनय सुरु गरेका थिए । त्यस्तै, उनले अभिनय गरेका सिनेमाहरुमध्येमा पिके, केदारनाथ, शुद्ध देसी रोमान्स, एमएस धोनी लगायतका सिनेमाहरु रहेका छन् ।

सिंहको आत्महत्याको खबरमा विभिन्न भारतीय कलाकार तथा निर्देशकहरुले शोक व्यक्त गरेका छन् । निर्देशक अनुराग कश्यपले अचम्मित भएको बताउँदै ट्विटरमा लेख्छन, ‘यो सत्य हुन सक्दैन् ।’ त्यस्तै, अर्का भारतीय कलाकार अक्षय कुमारले ट्विटरमा आफू निकै दुखी भएको बताएका छन् । उनले लेखेका छन, ‘म अवाक छु, केही बोल्न नसक्ने भएको छु ।’