थप एक जना कोरोना संक्रमितको मृत्यु, मृत्यु हुनेको संख्या १५ पुग्यो

२७ जेठ, काठमाडौं–

नेपालमा थप एक जना कोरोना संक्रमितको मृत्यु भएको छ । भरतपुर अस्पतालको कोभिड विषेश आइसियुमा उपचाररत रहेका एक कोरोना संक्रमित व्यक्तिको मृत्यु भएको हो ।

मृत्यु भएका भरतपुर नगरपालिका– ११ का ६८ वर्षीय पुरुष हुन् । गत शुक्रबारदेखि नारायणी सामुदायिक अस्पतालको आइसियूमा उपचाररत रहेका उनमा गत जेठ २६ गते कोरोना संक्रमण भएको पुष्टि भएको थियो । अस्पतालका अध्यक्ष डा. भोजराज अधिकारीका अनुसार उनमा कोरोना पोजेटिभ देखिएपछि अस्पताल भर्ना गरिएको थियो । जेठ २६ गते बेलुका ७ बजे भरतपुर अस्पतालको कोभिड आइसियुमा भर्ना गरिएका उनको आज मंगलबार मृत्यु भएको हो ।

मृत्यु भएका कोरोना संक्रमितमा पहिलाबाटै सुगर र प्रेसरको समस्या रहेको बताईएको छ ।