भारतमा पछिल्लो २४ घण्टामा थपिए ९ हजार ९ सय ८३ संक्रमित, कुल संक्रमित संख्या २ लाख ६० हजार बढि

२७ जेठ, काठमाडौं:

नेपालको छिमेकी मुलुक भारतमा कोरोना भाईरसको संक्रमण हुनेको संख्या २ लाख ६५ हजार ९ सय २८ पुगेको छ ।

विश्वभर कोरोना भाईरसको संक्रमण फैलिएका देशहरुको पाँचौं सुचिमा रहेको भारतमा हालसम्म १ लाख २९ हजार ९५ जना कोरोना संक्रमण मुक्त भईसकेका छन् । पछिल्ले २४ घण्टामा मात्रै भारतमा ९ हजार ९ सय ८३ जनामा कोरोना संक्रमण भएको भारतीय सरकारले तथ्ष्यांक मार्फत बताएको छ ।

हालसम्म भारतमा कोरोना भाईरसका कारण मृत्यु हुनेको संख्या भने ७ हजार ४ सय ७३ रहेको छ ।