कोरोना संक्रमणको रिपोर्ट नेगेटिभ आएर घर गएका व्यक्तिको मृत्यु

२६ जेठ, जनकपुरधामः

कोरोना भाईरसको संक्रमणको रिपोर्ट नेगेटिभ देखिएपछि घर गएको एक दिन नबित्दै महोत्तरीमा एक व्यक्तिको मृत्यु भएको छ । शनिबार क्वारेन्टाइनबाट गौशाला नगरपालिका १० बटौलास्थित घर गएका व्यक्तिको आइतबार राति मृत्यु भएको हो ।

महोत्तरीका प्रमुख जिल्ला अधिकारी कृष्ण प्रसाद कटुवालका अनुसार क्वारेन्टाइनबाट घर गएका ४० वर्षका पुरूष राती मृत्यु भएको हो । ती व्यक्तिले अत्यधिक रक्सी सेवन गर्ने कटुवाल बताउँछन् ।

जेठ ६ गते भारतको हरियाणाबाट आएका थिए उक्त व्यक्तिाई गौशाला नगरपालिकाको क्वारेन्टिनमा राखिएको थियो । क्वारेन्टाइनमा रहेका ती पुरूषसहित २६ जनाको स्वाब संकलन गरी जाँच गर्दा रिपोर्ट नेगेटिभ आएको थियो । रिपोर्ट नेगेटिभ आएपछि उनीसहित २० जनालाई नै घर पठाइएको थियो । प्रमुख जिल्ला अधिकारी कटुवालले उनको मृत्युु रक्सी सेवनले नै भएको हो ।

गौशाला नगरपालिकाका मेयर शिवनाथ महतोले मृतकको फेरि स्वाब संकलन गरी मृतकको दाहसंस्कार गरिसकेको जानकारी दिए ।